Kimua enpresak produkziorako eraikin berria estreinatzen du: Kimua Port
Zama handien manipulazioaren etorkizuna itsasotik eraikitzen da. Ekonomia Urdinari lotutako industrien aurrerakada geldiezina ikusita (offshore eolikoari protagonismo berezia emanez), Kimuan itsasertzera hurbiltzea erabaki dugu, tamaina eta pisu handiko osagaiak manipulatu eta altxatzeko konponbide seguruak, eraginkorrak eta neurrira egindakoak behar dituztenengandik are gertuago egoteko.
Pasaiako Portuan dagoen Kimua Port instalazio berriak industrialde estrategiko baten bihotzean kokatzen gaitu, garraiobide jasangarriago eta malguagoetara sarbide zuzena duena. Abantaila garrantzitsua da hori, gure irtenbideak gero eta handiagoak, astunagoak eta lurretik mugitzeko zailagoak baitira.
Kimua Port-ek Basajaun-ekin bat egiten du, ahalmen handiko saiakuntza-bankuarekin, non hau ere portuan instalatuta dagoen. Hala, ahalmen handiko jasotze-ekipoak efizientziarik handienarekin diseinatzeko, fabrikatzeko eta probatzeko zentro integral bat sortu da. Hori guztia, gure bezeroek irtenbide fidagarriak, berritzaileak eta behar duten momentuan jaso ditzaten.
 |
 |
 |
Kapitulu berri honetan, gure filosofiari leial jarraitzen diogu: pertsonak erdigunean, kalitatearekiko konpromiso irmoa eta epe luzera begira jarria.
Goazen tokira goazela gure esentzia mantentzea ez da erronka bat bakarrik, gure erara hazten jarraitzeko aukera da.
Ongi etorri familiara, Kimua Port!
 |
 |
